2 Impeachment Complaint laban kay PBBM, Ibinasura

Ibinasura ng House Committee on Justice ang dalawang (2) impeachment complaint laban kay Pangulong Ferdinand “Bongbong” Marcos Jr. matapos ideklarang “insufficient in substance.”

Sa botong 42-1-3, ibinasura ang reklamo ni Atty. Andre de Jesus na inendorso ni Pusong Pinoy Party-list Rep. Jett Nisay. Kabilang sa mga alegasyon ang umano’y pagsuko ni dating Pangulong Rodrigo Duterte sa ICC, isyu ng unprogrammed appropriations, at iba pang paratang.

Samantala, sa botong 39-7, ibinasura rin ang ikalawang impeachment complaint na inihain nina Liza Maza, France Castro, Neri Colmenares, at iba pa, na inendorso ng Makabayan bloc.

Dahil dito, protektado si Pangulong Marcos laban sa anumang panibagong impeachment complaint sa loob ng isang taon.